कोरोनाग्रस्त बरा झाल्यानंतर त्याला डिस्चार्ज कसा देतात ?

देशात कोरोनाग्रस्तांची संख्या दिवसेंदिवस वाढत असली तरी हजारांहून अधिक रुग्ण बरे होऊन त्यांना डिस्चार्ज देखील देण्यात आला आहे. परंतु कोरोना रोगातून बरे झालेल्या रुग्णांना डिस्चार्ज करण्याची पद्धत सामान्य रुग्णांपेक्षा वेगळी असते. कोरोनाचा विषाणू शरीराच्या संपर्कात आल्यानंतर लगेच त्याची लक्षणे दिसून येत नाहीत.

कोरोना प्रकरणांमध्ये १४ दिवसांचा निरीक्षण कालावधी खूप महत्वाचा असतो. सर्वसाधारणपणे जगात कुठल्याही आजाराच्या उपचारासाठी विशिष्ट असा प्रोटोकॉल असतो. परंतु कोरोनावर अद्याप कुठला इलाज नसल्याने त्याच्या उपचाराचाही कुठला प्रोटोकॉल तयार करण्यात आला नाही. परंतु हा रोग चीनमधून आल्याने सर्वजण चिनी मॉडेलचा अवलंब करत आहेत.

कोरोना रुग्ण बरा झाल्यानंतर भारतात कसा डिस्चार्ज दिला जातो ?

आरोग्य मंत्रालयाच्या मार्गदर्शक सूचनांनुसार भारतात संशयित रुग्णांची टेस्ट केल्यानंतर त्यांना विभक्त ठेवले जाते. टेस्ट निगेटिव्ह आल्यास त्याला विभक्त ठेवले जात नाही. परंतु ती व्यक्ती घरात इतरांना भेटू शकेल किंवा नाही याचा निर्णय डॉक्टर घेतात.

आरोग्य मंत्रालयाचे म्हणणे आहे की जर एखादी व्यक्ती कोरोना पॉझिटिव्ह असेल, तर ती बरी होईपर्यंत त्याला रुग्णालयात ठेवले जाते. यादरम्यान दर तीन दिवसांनी त्याची टेस्ट केली जाते. २४ तासांत सलग दोन टेस्ट निगेटिव्ह आल्यास तसेच त्याला ताप आहे का, श्वास घेताना त्रास आणि खोकला आहे का हे पाहिले जाते. त्याच्या छातीचा एक्स-रे देखील घेतला जातो.

सर्व काही ठीक असल्यास त्याला सोडण्यात येते. हॉस्पिटलमधून डिस्चार्ज मिळाल्यानंतर त्याला घरी १४ दिवस एकांतात राहण्यास सांगितले जाते. या दरम्यान सगळे काही ठीक असल्यास त्या व्यक्तीला कुटुंबासमवेत राहण्याची परवानगी दिली जाते.

माहिती महत्वपूर्ण वाटल्यास अवश्य शेअर करा आणि आमचे पेज लाईक करायला विसरू नका. आम्हाला माहीती आपण info@khaasre.com या इमेल आयडीवर पाठवु शकता.

Leave a Reply

Your email address will not be published. Required fields are marked *

Welcome Back!

Login to your account below

Retrieve your password

Please enter your username or email address to reset your password.